გორის მუნიციპალიტეტის სოფელ ფლავისმანში სასმელი წყლის სისტემის მოწყობა იგეგმება, რისტვისაც ადგილობრივ თვითმმართველობას 381 125 ლარი აქვს გათვალისწინებული. შესაბამისი სამუშაოების შესყიდვის მიზნით გამოცხადებულ ელექტრონულ ტენდერში მონაწილეებს კი, წინადადებების შეთავაზება 6-დან 11 თებერვლის ჩათვლით შეეძლებათ.

პროექტის თანახმად, იგეგმება ჭაბურღილის, მაგისტრალური მილსადენის და საქლორატოროს მოწყობა.

როგორც გორის მუნიციპალიტეტის მერიაში აცხადებენ, შესაბამისი სამუშაოების დასრულების შემდეგ, სასმელი წყლით 556 ოჯახი იქნება უზრუნველყოფილი.