საზოგადოება
23.01.2025 11:29
გორის მუნიციპალიტეტის მერია გაფანტული სკლეროზის მქონე პაციენტებისთვის სოციალურ პროგრამას ახორციელებს
გორის მუნიციპალიტეტის მერია გაფანტული სკლეროზის მქონე პაციენტებისთვის სოციალურ პროგრამას ახორციელებს.
ადგილობრივი თვითმმართველობის ინფორმაციით, სიახლე აღნიშნული დიაგნოზის მქონე პაციენტების მედიკამენტებით უზრუნველყოფის თანადაფინანსებას გულისხმობს.
დახმარებით სარგებლობა შეუძლიათ მხოლოდ გორის მუნიციპალიტეტის ტერიტორიაზე რეგისტრირებულ პირებს.
პროგრამით სარგებლობისთვის მოქალაქეებმა შესაბამისი დოკუმენტაცია უნდა წარადგინონ გორის მერიაში.
რაც შეეხება თანადაფინანსების ოდენობას, 2000 ლარია.
ცნობისთვის, აღნიშნული შემწეობთ სარგებლობა ბენეფიციარებმა 2024 წლიდან დაიწყეს.
