2024-2025 სასწავლო წლის მეორე სემესტრი სკოლებისთვის 15 იანვრიდან განახლდა.

განათლებისა და მეცნიერების სამინისტრომ უკვე განსაზღვრა რომელ დღეებში დაისვენებენ სკოლები.

„გორის მაცნეს“ ინფორმაციით, დასვენების დღეებადაა გამოცხადებული 3 მარტი; 9 აპრილი; 18-21 აპრილი (აღდგომის დღეები); 9 მაისი; 12 მაისი; 26 მაისი.

საგაზაფხულო არდადეგები, 8 მარტიდან 16 მარტის ჩათვლით გაგრძელდება, სასწავლო პროცესი კი 17-ში განახლდება.

რაც შეეხება მეორე სემეტრში სასწავლო დღეების რაოდენობას, იგი განსხვავებულია პირველი, მეთორმეტე და მეორე-მეთერთმეტე კლასელებისთვის; II-XI კლასებისთვის 96 სასწავლო დღეა განსაზღვრული (სწავლის დასასრული – 13 ივნისი); I კლასის მოსწავლეებისთვის 83 დღე (სწავლის დასასრული – 27 მაისი); XII კლასის მოსწავლეებისთვის 79 დღე (სწავლის დასასრული – 20 მაისი).