გორში  წარმოდგენა - „ჭიამაიას და ელფის საახალწლო თავგადასავალი“ გაიმართა.

ღონისძიებაში გორის მუნიციპალიტეტის კულტურის განვითარების ხელშეწყობის სააგენტოს ბაზაზე არსებული ვოკალურ-ქორეოგრაფიული წრის „ფანტაზია“ უმცროსი და უფროსი თაობა, გიორგი ერისთავის სახელობის გორის დრამატული თეატრი და ქარელის კულტურის ცენტრთან არსებული თანამედროვე და სამეჯლისო ცეკვების ჯგუფი მონაწილეობდა.

„კულტურის სააგენტოს ბაზაზე არსებული საგანმანათლებლო და შემოქმედებითი წრის წევრები წლის განმავლობაში სხვადასხვა ღონისძიებას მართავენ, კონკურსებსა და ფესტივალებში მონაწილეობენ. ვოკალურ-ქორეოგრაფიულ წრეზე მოზარდები სასცენო პლასტიკას, ქორეოგრაფიას და ვოკალს ეუფლებიან. საგაკვეთილო პროცესი კულტურისა და ახალგაზრდობის განვითარების განყოფილებაში მიმდინარეობს“ - აღნიშნულია გორის მუნიციპალიტეტის კულტურის განვითარების ხელშეწყობის სააგენტოს მიერ გავრცელებულ ინფორმაციაში.