გორის მეთორმეტე საჯარო სკოლაში სასწავლო პროცესი განახლდა. პროექტის განხორციელების შედეგად, 750 მოსწავლე სწავლას ახალ, საერთაშორისო სტანდარტების შესაბამის გარემოში აგრძელებს.

„გორის მაცნეს“ ინფორმაციით, სამუშაოები საგანმანათლებლო და სამეცნიერო ინფრასტრუქტურის განვითარების სააგენტომ განახორციელა და მისი სახელშეკრულებო ღირებულება5 100 000 ლარზე მეტია. რეაბილიტაციის შემდგომ სააგენტომ, ასევე, უზრუნველყო სკოლის შესაბამისი სასწავლო რესურსით და ინვენტარით აღჭურვაც.

საგანმანათლებლო დაწესებულებაში განახლებულ სასწავლო სივრცეებთან ერთად, საბუნებისმეტყველო და კომპიუტერული ლაბორატორიები, ბიბლიოთეკა, რესურს ოთახი, ექიმის კაბინეტი, სასადილო, სპორტული და სააქტო დარბაზები ფუნქციონირებს. შენობა შეზღუდული შესაძლებლობის მქონე პირებისთვის სრულადა ადაპტირებულია.