ადგილობრივი თვითმმართველობის ინფორმაციით, 2025 წელს, რეგიონებში განსახორციელებელი პროექტების ფონდის თანადაფინანსებით, გორის მუნიციპალიტეტში 15 ახალი ინფრასტრუქტურული პროექტი განხორციელდება.

შესაბამისი სამუშაოების შესყიდვის მიზნით, გორის მუნიციპალიტეტის მერიამ შემდეგი ტენდერები გამოაცხადა: შინდისში წყალმომარაგების სისტემის რეაბილიტაცია; ტყვიავში შიდა საუბნო გზის რეაბილიტაცია; ტინისხიდში შიდა საუბნო გზის რეაბილიტაცია; ხელთუბანში შიდა საუბნო გზების რეაბილიტაცია; ვარიანში შიდა საუბნო გზის რეაბილიტაცია; ხურვალეთში გზის რეაბილიტაცია; გზის რეაბილიტაცია ცხინვალის გზატკეცილის მიმდებარედ; სოფრომ მგალობლიშვილის ქუჩის რეაბილიტაცია; ოთარ ჩხეიძის ქუჩის რეაბილიტაცია; მარანაში გზის რეაბილიტაცია; ფლავისმანში შიდა საუბნო გზის მოწყობა; ფლავში შიდა საუბნო გზის მოწყობა; ზერტში გზის რეაბილიტაცია; დანიელ ჭონქაძის ქუჩის რეაბილიტაცია და ხიდისთავში ბეტონის გზის მოწყობა.

გარდა ამისა, მიმდინარე წელს აღნიშნული ფონდის დაფინანსებით გრძელდება 2024 წელს დაწყებული სამი ინფრასტრუქტურული პროექტი: გოგებაშვილის პარალელური სანაპიროს მოწყობა; გორგასლის ქუჩის მიმდებარედ სკვერისა და სპორტული მოედნის სარეკონსტრუქციო სარემონტო სამუშაოების დასრულება და ზერტში სასმელი წყლის სისტემების მოწყობა-რეაბილიტაციის სამუშაოები

ჯამში, რეგიონებში განსახორციელებელი პროექტების ფონდის (14 089 892 ლარი) და ადგილობრივი ბიუჯეტის ( 741 577 ლარი) თანადაფინანსებით განხორციელებული პროექტების ღირებულება 14 831 469 ლარია.