სახელმწიფო რწმუნებულმა შიდა ქართლში, რეგიონის მუნიციპალიტეტების მერებთან და საკრებულოების თავმჯდომარეებთან ერთად, განვლილი ერთი წლის საქმიანობა შეაჯამა.

ლევან ხარაბაძემ იმ მნიშვნელოვან პროექტებზე ისაუბრა, რომლებიც 2024 წელს თითოეულ მუნიციპალიტეტში განხორციელდა.

შეხვედრის ფარგლებში, გაწეული საქმიანობისთვის შიდა ქართლის რეგიონში შემავალი მუნიციპალიტეტების და სახელმწიფო რწმუნებულის ადმინისტრაციის თანამშრომლებიც დაჯილდოვდნენ.

გასული ერთი წლის განმავლობაში სამსახურეობრივი საქმიანობის სანიმუშო შესრულებისთვის 43 საჯარო მოხელე დაჯილდოვდა, რომლებიც, თავის მხრივ, მათივე კოლეგების გადაწყვეტილებით შეირჩნენ. საჯარო მოხელეები რწმუნებულის ადმინისტრაციის გორის, კასპის, ქარელის და ხაშურის მუნიციპალიტეტის მერიის და საკრებულოების უწყების თითოეული სამსახურიდან დაჯილდოვდნენ.

„მინდა, მადლობა გადაგიხადოთ თითოეულ საჯარო მოხელეს, როგორც აქ შეკრებილებს, ისე თქვენს კოლეგებს, რომლებიც ყოველდღიურ რეჟიმში თავდაუზოგავად და კეთილსინდისიერად ემსახურებით შიდა ქართლის რეგიონის განვითარებას და ჩვენი ქვეყნის კეთილდღეობას. უდიდესი პასუხისმგებლობა გაკისრიათ როგორც ქვეყნის, ისე ჩვენი მოსახლეობის წინაშე. ჩვენთვის მნიშვნელოვანია, თქვენი შრომა იყოს დაფასებული. მინდა თითოეულ თქვენგანს გაწეული სამსახურისთვის გულწრფელი მადლობა გადაგიხადოთ“, - აღნიშნა ლევან ხარაბაძემ.