კულტურა
26.12.2024 16:12
გორში ანა კალანდაძის 100 წლის იუბილესადმი მიძღვნილი ღონისძიება გაიმართა

გორში ანა კალანდაძის 100 წლის იუბილესადმი მიძღვნილი ღონისძიება ჩატარდა

შემოქმედებითი საღამო ზაზა ბირთველიშვილის სახელობის გორის მეშვიდე სააჯარო სკოლაში VIII დ კლასის დამრიგებლის, თეონა თედეშვილის და ქართული ენისა და ლიტერატურის მასწავლებლის ნინო მელაძის ინიციატივით ჩატარდა და მოსწავლეებმა დამსწრე საზოგადოებას ცნობილი ქართველი პოეტის მოღვაწეობის და შემოქმედების შესახებ საინტერესო დეტალები გააცნეს.

მოსწავლეებმა პოეტის არაერთი ლექსი წაიკითხეს, შესრულდა ანა კალანდაძის ტექსტებზე დაწერილი სიმღერებიც.

დასასრულს სკოლის დირექტორმა რუსუდან ლომიძემ ღონისძიებაში ჩართულ ყველა მონაწილეს მადლობა გადაუხადა და აღნიშნა, რომ შემოქმედებითი საღამოები მნიშვნელოვანია მოსწავლეებში ქართული ლიტერატურის სიყვარულის გასაღრმავებლად და ახალგაზრდების პოეზიით დაინტერესებისთვის.

ქართველი პოეზიის დედოფალი ანა კალანდაძე 1924 წლის 15 დეკემბერს დაიბადა. პოეტმა პირველი ლექსები 1946 წელს გაზეთ ლიტერატურა და ხელოვნებასა და ჟურნალ მნათობში გამოაქვეყნა. ლექსების პირველი კრებული კი 1953 წელს გამოსცა. მისი ლექსები თარგმნილია რუსულ, ინგლისურ, ფრანგულ, პოლონურ და სხვა ენებზე.

ქართველი შემოქმედი 2008 წლის 11 მარტს გარდაიცვალა. დაკრძალულია მთაწმინდის პანთეონში.

კვირის ამბები