გორის მუნიციპალიტეტის საკრებულოს რიგგარეშე სხდომაზე გორის 2025 წლის ბიუჯეტის დადგენილების პროექტი დაამტკიცეს.

საკრებულოს ცნობით, გორის მუნიციპალიტეტის 2025 წლის ბიუჯეტი 89 766,6 ათ. ლარით განისაზღვრა. რაც შეეხება პრიორიტეტებს, თანხების გადანაწილებისას აქცენტი ინფრასტრუქტურის განვითარებაზე, განათლებაზე, მოქალაქეების ჯანმრთელობის დაცვასა და სოციალურ უზრუნველყოფაზე, კულტურული, ახალგაზრდული და სპორტული პროექტების დაფინანსებაზე, დასუფთავებაზე, გარემოს დაცვასა და ეკონომიკურ განვითარებაზე გაკეთდა.

პრიორიტეტების დოკუმენტი მოსახლეობასთან კონსულტაციებით და ადგილობრივი საჭიროებების გათვალისწინებით შემუშავდა.

სხდომაზე დამსწრე საკრებულოს წევრებმა 2025 წლის ბიუჯეტი ხმათა უმრავლესობით დაამტკიცეს.

გორის მთავარი ფინანსური დოკუმენტის განხილვას ოპოზიციის წარმომადგენლები არ ესწრებოდნენ.