გამოცდების ეროვნულმა ცენტრმა 2024-2025 სასწავლო წლის ეროვნული სასწავლო ოლიმპიადის მეორე ტურის ჩატარების განრიგი გამოაქვეყნა.

ინფორმაციის თანახმად, ოლიმპიადის მეორე ტური 9 იანვარს დაიწყება და 13 იანვარს დასრულდება.

რაც შეეხება განრიგს:

9 იანვარი: 10:00 საათი - ქართული ენა და ლიტერატურა; ქართული ენა (არაქართულენოვანი ზოგადსაგანმანათლებლო დაწესებულების მოსწავლეებისათვის); 15:00 საათი - ისტორია;

10 იანვარი: 10:00 საათი - მათემატიკა; 15:00 საათი - ინგლისური ენა;

11 იანვარი: 10:00 საათი - ფიზიკა; 15:00 საათი - გეოგრაფია;

12 იანვარი: 10:00 საათი - ქიმია; 15:00 საათი - რუსული ენა;

13 იანვარი: 10:00 საათი - ბიოლოგია; 12:30 საათი - გერმანული ენა; 15:00 საათი - ფრანგული ენა.

„ინფორმაცია ტესტირების ადგილის და დროის თაობაზე მითითებული იქნება მოსაწვევზე. დეტალური ინფორმაცია მოსაწვევებთან დაკავშირებით გამოქვეყნდება შესაფებისა და გამოცდების ეროვნული ცენტრის ვებგვერდზე“, - ნათქვამია გამოცდების ეროვნული ცენტრის მიერ გვარცელებულ ინფორმაციაში.

შეგახსენებთ, ეროვნული სასწავლო ოლიმპიადის პირველი ტურის საბოლოო შედეგები 10 დეკემბერს გახდა ცნობილი. პირველი ტურის გამარჯვებულია ის მონაწილე, რომელმაც დააგროვა ამა თუ იმ საგნის ტესტის მაქსიმალური ქულის არანაკლებ 60%-ისა და მოხვდა შესაბამისი კლასის და საგნის რეიტინგული სიის პირველ 1000 მოსწავლეს შორის (ან მისი ქულა ემთხვევა რეიტინგულ სიაში მეათასე ადგილზე მყოფის ქულას).