საქართველოს განათლების სამინისტროს გადაწყვეტილებით, 2024-2025 სასწავლო წლის უქმე დღეები უკვე დადგენილია, მათ შორის, ცნობილია არდადეგების პერიოდიც.

როგორც „გორის მაცნეს“ გორის საგანმანათლებლო რესურსცენტრში განუცხადეს, მიმდინარე სასწავლო წლის ზამთრის არდადეგები 30 დეკემბერს დაიწყება და მომავალი წლის 14 იანვარს დასრულდება, შესაბამისად, სკოლებში სწავლა 15 იანვრიდან განახლდება.

რაც შეეხება უქმე დღეებს, 2025 წლის განმავლობაში, საქართველოში უქმედ გამოცხადებულია 18 დღე, აქედან 4 დღე არასამუშაო დღეს (შაბათს ან კვირას) ემთხვევა.