გორის საფეხბურთო კლუბი „დილა“ 2025 წელს ევროტურნირზე (კონფერენს ლიგაზე) იასპარეზებს.

გუნდმა ეროვნული საფეხბურთო ლიგა 1-ის 2024 წლის სეზონი ბრინჯაოს მედლით დაასრულა.

სეზონის ბოლო ტურის მატჩში გორელები ფოთის „კოლხეთს“ დაუპირისპირდა და 1:2 დამარცხდა.

აღსანიშნავია, რომ „დილა“ საქართველოს ჩემპიონატის ბრინჯაოს პრიზიორი მეხუთედ გახდა. გარდა ამისა, 2013 წელს - ვიცე-ჩემპიონის, 2015 წელს კი ჩემპიონის ტიტული დაისაკუთრა.