საზოგადოება
09.12.2024 11:33
გორის მუნიციპალიტეტში საგზაო ინფრასტრუქტურის მოწყობა გრძელდება
გორის მუნიციპალიტეტში საგზაო ინფრასტრუქტურის მოწყობის სამუშაოები გრძელდება. ადგილობრივი თვითმმართველობის ინფორმაციით, გორში, სერგო ჯორბენაძის ქუჩის რეაბილიტაცია მიმდინარეობს და ქუჩაზე ასფალტის საფარის მეორე პირი უკვე დაიგო.
როგორც გორის მერიაში აცხადებენ, აღნიშნულ ქუჩაზე მალე დაიწყება ტროტუარების მოწყობაც.
„სარეაბილიტაციო გზის მონაკვეთის სიგრზე 488 მეტრია. ტრანსპორტის სავალი ნაწილის და ტროტუარების გარდა, პროექტი ეზოებში შესასვლელების მოწყობასაც ითვალისწინებს. ჯორბენაძის ქუჩაზე წლებია მსგავსი სახის სარეაბილიტაციო სამუშაოები არ განხორციელებულა“, - აცხადებენ გორის მერიაში.
