საზოგადოება
24.10.2024 14:42
ტყვიავში სპორტული მოედნის რეაბილიტაცია დასრულდა
გორის მუნიციპალიტეტის სოფელ ტყვიავში სპორტული მოედნის რეაბილიტაცია დასრულდა.
ადგილობრივი თვითმმართველობის ცნობით, სამუშაოები „სამოქალაქო ბიუჯეტი 2024“-ის ფარგლებში განხორციელდა.
პროექტის მიხედვით მოეწყო ხელოვნური საფარი, ღობე, კალათბურთის ფარები, ფეხბურთის კარები, ასევე, დამონტაჟდა განათება.
„პროგრამა „სამოქალაქო ბიუჯეტი 2024“-ის ფარგლებში, გორის მუნიციპალიტეტში არაერთი ინფრასტრუქტურული პროექტი ხორციელდება. რაც შეეხება მიზანს, მუნიციპალურ პროცესებში მოქალაქეთა ჩართულობის ზრდის ხელშეწყობა და ადგილობრივი ბიუჯეტის მათი ინტერესების გათვალისწინებით განაწილება წარმოადგენს“, - აცხადებენ გორის მერიაში.
