გორელმა და ვარიანელმა მოკრივეებმა ესპანეთის ქალაქ ალიკანტეში გამართულ საერთაშორისო ტურნირზე სამი მედალი მოიპოვეს.

ტურნირის გამარჯვებულები ზაზა მდინარიძე (44 კგ. მწვრთნელი გიორგი კობახიძე), ნიკოლოზ ხიზანიშვილი (50 კგ. მწვრთნელი გელა სხირტლაძე) და თემურ პავლიაშვილი (57 კგ. მწვრთნელი ილია ტლაშაძე) გახდნენ.

გამარჯვებული სპორტსმენებიდან ორი - გიორგი კანდელაკის სახელობის ვარიანის კრივის სკოლის წარმომადგენელია, თემურ პავლიაშვილი კი ავთანდილ შოშიაშვილის სახელობის გორის კრივის სპეციალიზებული სპორტული სკოლის სპორტსმენია.

ცნობისთვის, ტურნირზე საქართველოს დელეგაცია 14 სპორტსმენით ასპარეზობდა. საქართველოს ჭაბუკ მოკრივეთა ნაკრების მთავარი მწვრთნელი გორელი სპეციალისტი ბექა ლობჟანიძეა.