გორის მუნიციპალიტეტის მერიის მხარდაჭერით და დაფინანსებით გამართული თეატრალური ფესტივალი „როტონდა“ ხვალ დასრულდება.

როგორც „გორის მაცნესთვის“ ცნობილია, ფესტივალს, 12 ოქტომბერს, მასპინძელი გორის თეატრი სპექტაკლით - „ესკორიალი“ დახურავს.

ფესტივალის დასრულების დღეს, თეატრის წინ, ასევე, დაგეგმილია მსახიობების - დარეჯან ჭამაურის და კახა ბერიძის ვარსკვლავის გახსნაც.

რაც შეეხება დღევანდელ აფიშას, 11 ოქტომბერს, 19:00 საათზე გიორგი ალექსიძის სახელობის თბილისის თანამედროვე ბალეტი დიდ სცენაზე „მეტამორფოზებს“ დადგავს.

შეგახსენებთ, თეატრალური ფესტივალი - „როტონდას“ დაარსებით, გორის თეატრმა სიმბოლურად, 180-ე შემოქმედებითი, საიუბილეო სეზონი გახსნა.

პროექტის ფარგლებში გ.ერისთავის სახელობის დრამატული თეატრი თბილისის სხვადასხვა თეატრს 5 ოქტომბრიდან მასპინძლობდა.