ორი - პირველი, სამი - მეორე და სამი მესამე ადგილი დაიკავეს გორელმა სპორტსმენებმა კრივში გამართულ ლევან გიორგაძის ხსოვნის მემორიალურ ტურნირზე.

შეჯიბრში საქართვლოს სხვადასხვა ქალაქში მცხოვრები უმცროსი ასაკის (2007-2008, 2009-2010, 2011-2012 წწ.) მოკრივეები ასპარეზობდნენ.

გორელთაგან ტურნირის გამარჯვებულები საბა დვალიშვილი (40 კგ.) და გიგი ყიფშიძე (57 კგ.) გახდნენ.

მეორე ადგილზე ვალერი ახალკაცი (46 კგ.), ლევან ამირეჯიბი (60 კგ.) და ლუკა გოგიაშვილი (75 კგ.) გავიდნენ.

იოანე ნაცვლიშვილმა (60 კგ.), საბა სომხიშვილმა (70 კგ.) და მახო კანდელაკმა (75 კგ.) შეჯიბრი მესამე ადგილით დაასრულეს.

საპრიზო ადგილზე გასული ყველა გორელი სპორტსმენი ავთანდილ შოშიაშვილის სახელობის გორის კრივის სპეციალიზებული სპორტული სკოლის წარმომადგენელია.

ლევან გიორგაძის ხსოვნის მემორიალურ ტურნირს ახალციხემ უმასპინძლა.