გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ტურიზმის განყოფილებამ მუნიციპალიტეტში არსებული ტურისტული ობიექტების ვიზიტორთა ოფიციალური სტატისტიკა გამოაქვეყნა.

ინფორმაციის თანახმად, გასული ერთი თვის განმავლობაში, გორის მუნიციპალიტეტს 56 166 დამთვალიერებელი ეწვია, რაც აგვისტოსთან შედარებით 3 533-ით გაზრდილი მაჩვენებელია.

„2024 წლის 1-ელი იანვრიდან 3 ოქტომბრამდე მუნიციპალიტეტს 353 104 ვიზიტორი ეწვია. ტურისტული ობიექტების დამთვალიერებელთა უმრავლესობა უცხოელია. აღსანიშნავია, რომ მიმდინარე წელს ვიზიტორთა ყველაზე მაღალი მაჩვენებელი - 71 410 ივნისში დაფიქსირდა“, - აღნიშნულია ინფორმაციაში.