სპორტი
25.09.2024 14:04
„დილას“ ფეხბურთელები კარალეთის სკოლას ესტუმრნენ - კლუბის წარმომადგენლებმა მოსწავლეებს სიმბოლური საჩუქარი გადასცეს
გორის „დილას“ ფეხბურთელები გორის მუნიციპალიტეტის სოფელ კარალეთის საჯარო სკოლას ესტუმრნენ.
საფეხბურთო კლუბის ინფორმაციით, ფეხბურთელებმა მოსწავლეებს საჩუქრად მათი ავტოგრაფებით გაფორმებული ბურთი გადასცეს და სამახსოვრო ფოტოები გადაიღეს.
აქტივობის მიზანს ახალგაზრდებში ფეხბურთის პოპულარიზაციის ხელშეწყობა წარმოადგენდა.
„გორის მუნიციპალიტეტის სოფელ კარალეთის საჯარო სკოლას ვესტუმრეთ და ავტოგრაფებით გაფორმებული ბურთი ვუსახსოვრეთ. სკოლის მოსწავლეებმა ჩვენს მოთამაშეებთან და მწვრთნელებთან სამახსოვრო ფოტოები გადაიღეს და ავტოგრაფები მიიღეს“, - აღნიშნულია „დილას“ მიერ გავრცელებულ ინფორმაციაში.
