დასუფთავების მსოფლიო დღისადმი მიძღვნილ ღონისძიებაში გორის მუნიციპალიტეტის კეთილმოწყობის სააგენტოს თანამშრომლებიც ჩაერთნენ.

სააგენტოს თანამშრომლებთან ერთად დასუფთავების აქციაში ევროკავშირის გორის საველე ოფისის თანამშრომლები, კავკასიის გარემოსდაცვითი არასამთავრობო ორგანიზაციების ქსელის (CENN) წარმომადგენლები, მე-8 საჯარო სკოლის პედაგოგები და მოსწავლეები მონაწილეობდნენ.

ორგანიზატორების თქმით, დასუფთავების საერთაშორისო დღის აღნიშვნა მსოფლიოს მოსახლეობის ცნობიერების ამაღლებას და ნარჩენების მართვის სისტემის გაუმჯობესებას ისახავდა მიზნად.

ცნობისთვის, აღნიშნული საერთაშორისო კამპანია 1993 წელს, გაეროს გარემოსდაცვითი პროგრამის (UNEP) ინიციატივით დაფუძნდა და მასში 133 ქვეყანაა ჩართული.

რაც შეეხება გორში გამართულ ღონისძიებას, აქტივობა ევროკავშირის გორის ოფისის ორგანიზებით მოეწყო.