20 სექტემბერს საქართველოს საბაჟო დეპარტამენტის თანამშრომელთა პროფესიული დღე აღინიშნება, რომლის დაწესების მიზანიც მებაჟის პროფესიის მხარდაჭერა და დაფასებაა.

აღნიშნული თარიღი საქართველოს უახლესი ისტორიის მნიშვნელოვან მოვლენას უკავშირდება, კერძოდ, ეროვნულმა საბჭომ, 1918 წლის 30 აგვისტოს მიიღო კანონი - „საბაჟო დაწესებულებათა მოწყობის შესახებ“, რომელიც ძალაში იმავე წლის 20 სექტემბერს შევიდა და, შესაბამისად, ფუნქციონირება დაიწყო დამოუკიდებელი საქართველოს საბაჟო ორგანომ.

2022 წელს, ფინანსთა მინისტრის ბრძანებით, პროფესიული დღე დაწესდა ეროვნულ დონეზეც და 20 სექტემბერს ეს თარიღი, როგორც საქართველოს საბაჟო დეპარტამენტის თანამშრომელთა პროფესიული დღე - წელს უკვე მეორედ აღინიშნება.