გორის მუნიციპალიტეტის პირველობა მინი ფეხბურთში წმინდაწყლის გუნდის - „ჯარი“ გამარჯვებით დასრულდა.

გორის მუნიციპალიტეტის მერიის ცნობით, მეორე ადგილზე სადგურის, მესამეზე კი ქვახვრელის გუნდი გავიდა.

გამარჯვებულ გუნდს მერიის თასი და 3000 ლარი გადაეცა. ფულადი პრიზებით დაჯილდოვდნენ მეორე (2000 ლარი) და მესამე (1000 ლარი) ადგილზე გასული გუნდებიც.

აქტივობაში, რომელიც „შიდა ქართლის სპორტული თამაშები 2024“-ის ფარგლებში ჩატარდა, 30 გუნდი მონაწილეობდა.

შეგახსენებთ, „შიდა ქართლის სპორტული თამაშები 2024" შიდა ქართლის სახელმწიფო რწმუნებულის ადმინისტრაციის ინიციატივით იმართება. მუნიციპალური პირველობის ორგანიზატორია გორის მუნიციპალიტეტის მერია და საფეხბურთო კლუბი „გორი“.

მუნიციპალური ეტაპის შემდეგ ჩატარდება რეგიონული ეტაპი, რომელშიც შიდა ქართლის რეგიონის გამარჯვებული გუნდი გამოვლინდება.