გორში, დავით გურამიშვილის ქუჩაზე ახალი ბულვარი გაიხსნა. საზეიმო ღონისძიებას ადგილობრივი ხელისუფლების წარმომადგენლები და მოქალაქეები ესწრებოდნენ.

რაც შეეხება პროექტს, ახალი დასასვენებელი სივრცე ძველი ხიდიდან „ახალბაღამდე“ მოეწყო და სამუშაოები ადგილობრივი ბიუჯეტიდან დაფინანსდა.

პროექტის ფარგლებში მოეწყო გარეგანათება, სარწყავი და სანიაღვრე სისტემები, ტროტუარები, ველობილიკები, გამწვანების ზოლი, დაიგო ბეტონის დეკორატიული ფერადი ფილები, დაიდგა სკამები და ურნები.

ბულვარის მშენებლობის დაწყებამდე, მტკვრის მარცხენა სანაპიროზე, „ახალბაღიდან“ ძველ ხიდამდე რკინა-ბეტონის საყრდენი კედელი აშენდა, ნაპირსამაგრი კედლის გასწვრივ მოეწყო მოაჯირები. გურამიშვიულის ქუჩის აღნიშნულ მონაკვეთზე რეაბილიტაცია ჩაუტარდა საგზაო ინფრასტრუქტურასაც.