„შიდა ქართლის სპორტული თამაშები 2024“-ის ფარგლებში, გორის მუნიციპალიტეტის პირველობა მინი ფეხბურთში გრძელდება. ნახევარფინალური ეტაპის შეხვედრები დღეს, 3 სექტემბერს გაიმართება.

ფინალში მოსახვედრად ერთმანეთს ქვახვრელი - სადგურის (18:30 საათი) და წმინდა წყალი/ჯარი - ტირძნისის (19:00 საათი) გუნდები დაუპირისპირდებიან.

ორივე მატჩი კომბინატის მინი ფეხბურთის სტადიონზე ჩატარდება.

აქტივობა ოლიმპიური სისტემით იმართება. გამარჯვებულებს და საპრიზო ადგილზე გასულ გუნდებს ფულადი პრიზები ( I ადგილი - 3 000 ლარი, II ადგილი - 2 000 ლარი, III ადგილი - 1 000 ლარი) გადაეცემათ.

„შიდა ქართლის სპორტული თამაშები" შიდა ქართლის სახელმწიფო რწმუნებულის ადმინისტრაციის ინიციატივით იმართება. მუნიციპალური პირველობის ორგანიზატორია გორის მუნიციპალიტეტის მერია და საფეხბურთო კლუბი „გორი“.