2024 წლის 1-ელი სექტემბრიდან საკადასტრო აგეგმვითი/აზომვითი ნახაზის შემსრულებელი პირისთვის სერტიფიცირება სავალდებულო გახდება, - ინფორმაციას საჯარო რეესტრის ეროვნული სააგენტო ავრცელებს.

უწყების ინფორმაციით, 2024 წლის 1-ელი სექტემბრიდან  ამოქმედდება რეგულაცია, რომლის შესაბამისად, საკადასტრო აგეგმვითი/აზომვითი სამუშაოების შემსრულებელი პირი ვალდებულია, საჯარო რეესტრში წარსადგენი ნახაზი შეადგინოს საქართველოს მთავრობის დადგენილებით განსაზღვრული სამუშაოს შესრულებისა და დოკუმენტირების წესის შესაბამისად.