საქართველოს კულტურისა და სპორტის სამინისტრომ გიორგი ერისთავის სახელობის გორის სახელმწიფო დრამატულ თეატრს განათების მართვის სისტემა გადასცა.

უწყების ცნობით, 2025 წლის გაზაფხულამდე საქართველოს 16 სახელმწიფო თეატრისა და საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტი სასცენო განათების და გახმოვანების განახლებული სისტემებით აღიჭურვება.

„კულტურის სამინისტრომ საქართველოს 16 სახელმწიფო თეატრისა და საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტის სასცენო განათებისა და გახმოვანების სისტემების გასაახლებლად, 2023 წლის ნოემბერში ტენდერით შერჩეულ კომპანიასთან გააფორმა კონტრაქტი.

მომდევნო წლის გაზაფხულამდე ჩვიდმეტივე ორგანიზაცია სათანადოდ აღიჭურვება. აპარატურის მიწოდება ეტაპობრივად ხორციელდება. კონტრაქტის საერთო ღირებულება 2 160 000 ლარია“, - აცხადებენ სამინისტროში.