რაგბის კლუბი ,,გორი“ შეუჩერებელია. რეგიონული ლიგის ბინადარმა გუნდმა დღეს მესამე ტურის მატჩშიც მშრალი ანაგრიშით სძლია მოწინააღმდეგეს -  45:0. ამჯერად მათი ,,მსხვერპლი” თბილისის ,,სპორტუნი“ გახლდათ, რომელსაც განვლილ ორ ტურში 1 გამარჯვება კი მოეპოვებინა, მაგრამ გორის რაგბის არენაზე არათუ გამარჯვების შანსი არ ჰქონია, ქულაც ვერ აართვა მოწინააღმდეგეს.

შეგახსენებთ, რომ სეზონის სტარტზე ,,გორმა“ სტუმრად 26:3 სძლია ,,წიქარას“, შემდეგ, შინ, ანგარიშით  62:0 გაანადგურა ,,გორდა“, ხოლო ახლა, 45:0 დაამარცხა ,,სპორტუნი“.

მომდევნო ტურში ,,გორს“ თელავში მოუწევს სტუმრობა და საკმაოდ რთული მატჩის გამართვა სატურნირო ცხრილის ლიდერობაში თავის ერთ-ერთ კონკურენტთან.