დღეს, 22 ივლისს გიორგი ერისთავის სახელობის თეატრის სკვერში ბენდი „4+2“ - გიორგი ცხადაძე და თაკო კაკალაშვილი, კონცერტს გამართავს.

ღონისძიება გორის კულტურის განვითარების ხელშეწყობის სააგენტოს წლის გეგმიური ღონისძიებების ფარგლებში გაიმართება და 19:00 საათზე დაიწყება.

სააგენტოს ინფორმაციით, კონცერტის დასრულების შემდეგ, თანამედროვე ცეკვის კონკურსი - Just Dance ჩატარდება. მონაწილეობის მსურველთა რეგისტრაცია კი 20:30 საათიდან დაიწყება.

რაც შეეხება დაჯილდოებას, პირველ და მეორე ადგილზე გასულ მონაწილეებს პრიზები გადაეცემათ.