რეგიონი
18.07.2024 12:35
ახალი ბანას მშენებლობის მიმდინარეობას მხარის რწმუნებული გაეცნო
შიდა ქართლში, ხაშურის მუნიციპალიტეტში ახალი ბანას მშენებლობა მიმდინარეობს.
აღნიშნული სამუშაოები სურამისა და ხაშურის ეპისკოპოსმა მეუფე სვიმეონმა (ცაკაშვილი) შიდა ქართლის სახელმწიფო რწმუნებულს ლევან ხარაბაძეს და რწმუნებულის პირველ მოადგილეს სიმონ გულედანს გააცნო.
მასშტაბური მშენებლობა უწმინდესისა და უნეტარესის, სრულიად საქართველოს კათოლიკოს-პატრიარქის ილია მეორის ლოცვა-კურთხევით ხორციელდება და პროექტის ავტორი სურამისა და ხაშურის ეპარქიის მღვდელმთავარი მეუფე სვიმეონია. მისი განმარტებით, ტაძრის მშენებლობის მიზანი მომავალი თაობებისთვის ბანას ისტორიული მნიშვნელობის გაცნობა და ეკლესიაში საგანმანათლებლო და კულტურული კერის ჩამოყალიბებაა.
ახალი ბანას მშენებლობას საფუძველი 2017 წელს ჩაეყარა.
