გორელი თავისუფალი სტილით მოჭიდავე გოგა ოთინაშვილი (70 კგ.) 20 წლამდელთა შორის ევროპის ჩემპიონატის ბრინჯაოს პრიზიორია.

სპორტსმენმა თურქი და უნგრელი მოწინააღმდეგეები დაამარცხა. ნახევარფინალში ნეიტრალური ქვეყნის სახელით მოასპარეზე ბაიტუკაევს დაუპირისპირდა და დამარცხდა.

ბრინჯაოს მედლისთვის ბრძოლაში კი სომეხ ვლადიმირ აზარიანთან შეხვედრა 9:2 მოიგო და მესამე ადგილზე გავიდა.

აღსანიშნავია, რომ ოთინაშვილს ევროპის ვიცე-ჩემპიონის ტიტული ორჯერ აქვს მოპოვებული. გარდა ამისა, 17 და 23-წლამდელთა შორის გამართულ მსოფლიოს ჩემპიონატებზე ბრინჯაოს მედლის მფლობელია. საქართველოს ჩემპიონატებზე კი არაერთგზის ჩემპიონი და პრიზიორია.

ოთინაშვილი ნუგზარ სხირელის სახელობის გორის ჭიდაობის სკოლის წარმომადგენელია. მისი პირადი მწვრთნელი არჩილ ბარამიძეა.