ეთნოგრაფიული მუზეუმის რეაბილიტაციისთვის გორის მუნიციპალიტეტის მერიამ 4 მარტს ტენდერი გამოაცხადა. აღნიშნული ტენდერის პირობები მუზეუმის რეკონსტრუქციას და მისი მიმდებარე ტერიტორიის კეთილმოწყობას ითვალისწინებს.

პროექტის მიხედვით, შეიცვლება სახურავი და ფანჯრები, რეაბილიტირდება ფასადი, დამონტაჟდება გათბობის, ვენტილაციისა და ელექტრო სისტემებები, ასევე მუზეუმის ეზოში მოეწყობა ღია საგამოფენო პავილიონი, გარეგანათება, დაიდგმება დასასვენებელი სკამები. პროექტი ადაპრირებულია შშმ ვიზიტორებზეც.

ეთნოგრაფიულ მუზეუმში აცხადებენ, რომ სარეაბილიტაციო სამუშაოები მუზეუმის ინფრასტრუქტურის კეთილმოწყობას და შესაბამისად, მეტი ვიზიტორის მოზიდვას მნიშვნელოვნად შეუწყობს ხელს.

სერგი მაკალათიას სახელობის გორის ისტორიულ-ეთნოგრაფიული მუზეუმი, სადაც 48 100-ზე მეტი ექსპონანტია დაცული, კირიონ II-ის ქუჩაზე მდებარეობს. მუზეუმი 1935 წელს გაიხსნა.