გორის ეთნოგრაფიული გუნდი „რიხი“ აღდგენილი ქართლური სიმღერების მორიგ კონცერტს საოკუპაციო ხაზის პერიმეტრზე მდებარე სოფელ მერეთში გამართავს.

ღონისძიება დღეს, 21 ივნისს, 19:30 საათზე დაიწყება და საჯარო სკოლის ეზოში ჩატარდება. ანსამბლის წევრები ადგილობრივებს ქართლური სიმღერის მასტერკლასსაც ჩაუტარებენ და მათივე აღდგენილ საფერხულო სიმღერებს შეასწავლიან.

შეგახსენებთ, აღდგენილი ქართლური სიმღერების კონცერტი სოფელ ზემო ნიქოზშიც ჩატარდა. გარდა ამისა, ღონისძებები მეჯვრისხევში, ერგნეთში და შინდისში გაიმართება.

პროექტი, რომლის მიზანი მივიწყებული ქართლური ხალხური სიმღერების გაცოცლებაა, საქართველოს კულტურისა და სპორტის სამინისტროს ხელშეწყობით ხორციელდება.