თრიალეთის უმაღლეს მწვერვალ ჯამჯამაზე მოსწავლეთა ალპინიადა ჩატარდა.

აქტივობა გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ტურიზმის განყოფილების მოსწავლე-ახალგაზრდობის სპორტული ტურიზმის ცენტრის ორგანიზებით გაიმართა.

ღონისძიება ცენტრის ალპინისტური წრის და მოსწავლეთა სასკოლო ტურისტული კლუბის წევრების მონაწილეობით, ორი დღის განმავლობაში მიმდინარეობდა.

როგორც „გორის მაცნესთან“ ორგანიზატორებმა აღნიშნეს, აქტივობის მიზანს, მოზარდებში ტურიზმის და ალპინიზმის პოპულარიზაცია წარმოადგენს.

მათივე ინფორმაციით, გასვლითი ღონისძიებები კვლავაც იგეგმება.