2024 წლის 1-ელი იანვრიდან 3 ივნისამდე გორის მუნიციპალიტეტს 127 821 ვიზიტორი ეწვია, მათ შორის 89 649 უცხოელია, - ოფიციალური სტატისტიკა გორის მუნიციპალიტეტის განვითარებისა და ტანისა და თეძმის დაცული ლანდშაფტის მართვის სააგენტოს ტურიზმის განყოფილებამ გამოაქვეყნა.

სტატისტიკის მიხედვით, მიმდინარე წლის მაისში მუნიციპალიტეტს 49 969 დამთვალიერებელი ესტუმრა, რაც 2024 წელს ყველაზე მაღალი მაჩვენებელია.

რაც შეეხება ცალკეული თვეებს, ტურისტული ობიექტების დასათვალიერებლად მუნიციპალიტეტს იანვარში - 9 477, თებერვალში - 11 902, მარტში - 20 942, აპრილში კი 35 531 ვიზიტორი ეწვია.

შეგახსნებთ, ტურისტული სეზონი გორის მუნიციპალიტეტში ოფიციალურად 31 მაისს გაიხსნა.