გორელი ძიუდოისტები - ვაჟა მარგველაშვილი, ლაშა შავდათუაშვილი და ეთერ ასკილაშვილი პარიზის ოლიმპიურ თამაშებზე იასპარეზებენ.

ოლიმპიადაზე მონაწილე სამივე გორელი სპორტსმენი გურამ პაპიტაშვილის სახელობის გორის ჭიდაობის კომპლექსური სპორტული სკოლის აღზრდილია.

აღსანიშნავია, რომ ლაშა შავდათუაშვილს ოლიმპიადაზე სამივე სინჯის - ოქროს (2012 წ.), ვერცხლის (2020 წ.) და ბრინჯაოს (2016 წ.) მედალი აქვს მოპოვებული. ვაჟა მარგველაშვილი ვერცხლის მედლის მფლობელია. ეთერ ასკილაშვილი კი ოლიმპიადის დებიუტანტია.

შეგახსენებთ, პარიზის ოლიმპიადაზე გორელი თავისუფალი სტილით მოჭიდავეები გოდერძი ძებისაშვილი და გენო პეტრიაშვილიც იასპარეზებენ.

ცნობისთვის, ოლიმპიურ თამაშებს საფრანგეთის დედაქალაქი 26 ივლისიდან 11 აგვისტოს ჩათვლით უმასპინძლებს.