წარმოდგენები 30 მაისიდან 2 ივნისის ჩათვლით გაიმართება

გიორგი ერისთავის სახელობის თეატრი პატარა მაყურებელს საბავშვო სპექტაკლების კვირეულზე ეპატიჟება. „გორის მაცნეს“ ინფორმაციით, წარმოდგენები ყოველდღე,

30 მაისიდან 2 ივნისის ჩათვლით, 18:00 საათზე გაიმართება.

რაც შეეხება სპექტაკლების ჩამონათვალს ხვალ, 30 მაისს, სასცენო ხელოვნებისმოყვარულ პატარებს შესაძლებლობა ექნებათ სანდრო ელოშვილის რეჟისორული ნამუშევარი - „კონკია“ იხილონ.

31 მაისს თოჯინური სპექტაკლის - „წითელქუდა“ (რეჯჟისორი ელენე მაცხონაშვილი) ჩვენებაა დაგეგმილი.

1-ელ ივნისს ყველასთვის საყვარელი ზღაპრის, ვილჰელმ და იაკობ გრიმების პიესის მიხედვით დადგმული სპექტაკლი -„ფიფქია და შვიდი ჯუჯა“ ელოდება მაყურებელს.

2 ივნისს კი, რეჟისორი ელენე მაცხონაშვილი ბავშვებს ო. ჰენრის პიესის მიხედვით დადგმულ სპექტაკლს სახელწოდებით - „წითელკანიანთა ბელადი“ სთავაზობს.

ბილეთების შეძენა თეატრის სალაროშია შესაძლებელი.