საზოგადოება
28.05.2024 11:34
მგზავრთა გაზრდილი ნაკადის გამო, საქართველოს რკინიგზა 31 მაისს დამატებით რეისს ნიშნავს
მგზავრთა გაზრდილი ნაკადის გამო, საქართველოს რკინიგზა ბათუმის მიმართულებით ერთ რეისს ამატებს.
კომპანიის მიერ გავრცელებული ინფორმაციით, დამატებითი რეისი 31 მაისს თბილისი - ბათუმის და ბათუმი - თბილისის მიმართულებით შესრულდება.
რაც შეეხება განრიგს, თბილისიდან მატარებელი 06:30 საათზე გავა და მგზავრები ბათუმში 11:38 საათზე ჩავლენ.
ბათუმი - თბილისის მიმართულებით კი რეისი 14:20 საათზე შესრულდება და მატარებელი თბილისში 19:28 საათზე იქნება.
ბილეთების შეძენა შესაძლებელია საქართველოს რკინიგზის ოფიციალურ ვებგვერდზე, სალაროებში, პარტნიორი კომპანიების და სწრაფი გადახდის აპარატების მეშვეობით.
