„საქართველოს ინოვაციებისა და ტექნოლოგიების სააგენტოს და USAID-ის ძლიერი სოფლის პროგრამის“ ორგანიზებით, შიდა ქართლსა და მცხეთა-მთიანეთში პრე-აქსელერატორის პროგრამა მიმდინარეობს.

პროექტის ორგანიზატორების ინფორმაციით, პროგრამის მიზანი რეგიონში ინოვაციური აზროვნების, იდეაციის და სტარტაპის შენების ძირითადი უნარების განვითარება და ამავე მიმართულებით ახალი გუნდების ფორმირებაა.  პროგრამის ფარგლებში, მონაწილეები ასევე, მოემზადებიან GITA-ს 25 000 ლარიანი საგრანტო კონკურსისთვის.

სატრენინგო პერიოდში, პროგრამაში მონაწილეობის მსურველთა ტრანსპორტირება დაფინანსებულია.

პროექტში მონაწილეობის მისაღებად დაინტერესებული პირი უნდა დარეგისტრირდეს გორის მუნიციპალიტეტის მერიის ოფიციალურ ფეისბუქგვერდზე მითითებულ ბმულზე.

პროგრამაზე რეგისტაცია  2 ივნისს დასრულდება.