გორელმა თავისუფალი სტილით მოჭიდავეებმა ევროპის ჩემპიონატზე ბრინჯაოს ოთხი მედალი მოიპოვეს.
შეჯიბრი 15 წლამდელებს შორის ჩატარდა და საბერძნეთმა უმასპინძლა.
გორელთაგან ბრინჯაოს პრიზიორები გიორგი ქარელი (38 კგ.), საბა მინდიაშვილი (41 კგ.), თემურ თუთარაშვილი (48 კგ.) და რატი რევაზიშვილი (68 კგ.) გახდნენ.
საპრიზო ადგილზე გასული სპორტსმენებიდან სამი - ნუგზარ სხირელის სახელობის გორის ჭიდაობის სკოლის წარმომადგენელია, გიორგი ქარელი კი შოთა ჩოჩიშვილის სახელობის კომპლექსური სპორტული სკოლის სპორტსმენია.
ცნობისთვის, საქართველოს თავისუფალი სტილით მოჭიდავეთა ნაკრებმა ევროპის ჩემპიონატზე ცამეტი სპორტსმენით იასპარეზა, ხუთი ბრინჯაოს მედალი მოიპოვა და გუნდური მეორე ადგილი დაიკავა.
ვიწყებთ „ქართული ოცნების“ მიზნებისა და ამოცანების საზოგადოებისთვის გაცნობას - მხოლოდ მშვიდობით, ღირსებით, კეთილდღეობით ევროპისკენ