გორის მწერალთა სახლმა პოეზიის საერთაშორისო ფესტივალს უმასპინძლა.

ღონისძიებაზე გორელი მწერლები ლიტერატურული პრემიებით დაჯილდოვდნენ. გარდა ამისა, ავტორებმა გორის მერიისგან ფულადი საჩუქრებიც მიიღეს.

შეხვედრას, რომელიც გორის მუნიციპალიტეტის კულტურის განვითარების ხელშეწყობის სააგენტოს ორგანიზებით გაიმართა, თურქი, აზერბაიჯანელი და ებრაელი მწერლებიც ესწრებოდნენ.

ფესტივალი საქართველოს მწერალთა კავშირის ინიციატივით ქვეყნის მასშტაბით სხვადასხვა ქალაქში ყოველწლიურად იმართება. ღონისძიების მიზანს ქართული მწერლობის პოპულარიზაცია წარმოადგენს.