გორის სამხედრო ჰოსპიტალის საკარანტინო სივრცე უკვე დატოვა ოთხმა პაციენტმა. ამ დროისთვის დაკვირვების ქვეშ რჩება 22 პირი, რომელთაგან 3 სხვა ქვეყნის მოქალაქეა. გორში მოთავსებულ არცერთ პაციენტს ახალი კორონავირუსით ინფიცირება არ დაუდასტურდა.

,,გორის სამხედრო ჰოსპიტალში ამ დროისთვის იმყოფება 22 პაციენტი, აქედან 4 სამხედრო მოსამსახურეა და 18 სამოქალაქო პირი, რომელთაგან ორი ბულგარეთის, ერთი კი ირანის მოქალაქეა. შაბათ-კვირას შემოსული პაციენტებიდან, საუბარია 5 პირზე, რომელ შემთხვევებზეც ეჭვი არსებობდა, აღებულ იქნა ნიმუშები და დღეის მდგომარეობით შედეგები უკვე ცნობილია - უარყოფითია. ყველა პაციენტის მდგომარეობა სტაბილურია, იმყოფებიან დაკვირვების ქვეშ. საკარანტინო სივრცე უკვე დატოვა ირანის ოთხმა მოქალაქემ“, - განაცხადა გორის სამხედრო ჰოსპიტალის დირექტორმა დავით ბარლიანმა.