2024 წლის პირველი სამი თვის განმავლობაში საქართველოს მილიონ 300 ათასზე მეტი საერთაშორისო მოგზაური ესტუმრა, - ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.

უწყების ინფორმაციით,  მათ შორის, მილიონი იყო უშუალოდ ტურისტი, რაც 11 %-ით აღემატება გასული წლის ანალოგიური პერიოდის მაჩვენებელს. ასევე, რეკორდულია ევროკავშირის ქვეყნებიდან შემოსული საერთაშორისო ვიზიტორების  რაოდენობაც.

„2024 წლის პირველ კვარტალში, საქართველოში  ყველაზე მეტი ვიზიტი პოლონეთიდან დაფიქსირდა,  რაც 2019 წლის მონაცემებს +67.1%-ით აჭარბებს, შემდეგ მოდის გერმანია (2019 წელთან შედარებით ზრდა 46.1%); გაერთიანებული სამეფო (ზრდა 2019 წელთან 27%.) და ა. შ. გაზრდილია მაღალმხარჯველი ტურისტული ბაზრებიდან ვიზიტების ოდენობაც: ყურის ქვეყნებიდან საქართველოში 27.9%-ით მეტი ვიზიტი განხორციელდა 2019 წლის ანალოგიურ პერიოდთან შედარებით, ხოლო  2023 წლის მონაცემებთან შედარებით ზრდა 21.6% -ია.  2019 წლის მონაცემებთან შედარებით გაზრდილია  საუდის არაბეთიდან ვიზიტორთა რაოდენობა 33.5%-ით, ხოლო  ქუვეითიდან ვიზიტები - 66.3%-ით“, - აცხადებენ ეკონომიკისა და მდგრადი განვითარების სამინისტროში.