გორელ ფოტოგრაფთა კლუბი ფოტოგრაფიის საფუძვლების შესწავლის ორთვიან კურსზე მონაწილეთა მიღებას აცხადებს.

პროექტი „Art House 20 24“-ის ფარგლებში ტარდება და ფოტოგრაფიის საფუძვლების შესწავლა გორის მუნიციპალიტეტში მცხოვრები 16-26 წლის ახალგაზრდებს შეუძლია.

„მონაწილეთა ის ნაწილი, რომელიც კურსის 80%-ს დაესწრება და შესაბამის დავალებებს შეასრულებს, მონაწილეობას მიიღებს Art-ბანაკში, რომელიც ივნისის ბოლოს გაიმართება. განაცხადის მიღების ბოლო ვადა 26 აპრილია“, - ნათქვამია ინფორმაციაში, რომელსაც გორელ ფოტოგრაფთა კლუბი ავრცელებს.

სასწავლო პროგრამაში მონაწილეობის მსურველმა რეგისტრაცია უნდა გაიაროს გორელ ფოტოგრაფთა კლუბის ფეისბუქგვერდზე გამოქვეყნებულ ინფორმაციაში მითითებულ ელექტრონულ მისამართზე.