საქართველოს საჯარო რეესტრის ეროვნულმა სააგენტომ მომხმარებლისთვის ახალი სერვისი დანერგა, რომელიც აპრილიდან შევიდა ძალაში.

უწყების ინფორმაციით, სიახლის მიხედვით, რეგისტრატორი განმცხადებელს პირადად დაუკავშირდება და მისთვის საჭირო ინფორმაციას მიაწვდის. კერძოდ, აუხსნის გადაწყვეტილების შინაარსს, გაუწევს კონსულტაციას და დაეხმარება ხარვეზის აღმოფხვრაში.

„განმცხადებლის ინფორმირება კიდევ უფრო გააუმჯობესებს მომსახურების ხარისხს ბდა გაამარტივებს რეგისტრაციას“, - აცხადებენ საჯარო რეესტრის ეროვნულ სააგენტოში.