საზოგადოება
17.04.2024 14:09
ცნობილი ფილოსოფოსის მერაბ მამარდაშვილის პორტრეტი და ქართული სუფრა - ,,სტრიტ არტი“ გორში 500 მ. კვ-ზე განთავსდა
გორში, ქალაქის ცენტრალურ გამზირზე, მდინარე მტკვრის ხიდთან მდებარე კორპუსის ფასადზე განთავსებული ორი ახალი „სტრიტ არტი“ 500 კვადრატულ მეტრს მოიცავს.
სტალინის ქუჩის №2/ა -სსამხრეთ ფასადზე განთავსდა „ქართული სუფრა“ - ნახატზე გორის ეთნოგრაფიულ მუზეუმში დაცული ქართული სუფრის ორნამენტებია გამოყენებული, ჩრდილოეთ ფასადზე კი - გორში დაბადებული ცნობილი ქართველი ფილოსოფოსის მერაბ მამარდაშვილის პორტრეტი.
პროექტი გორის მუნიციპალიტეტის მერიის და „გორელ ფიტოგრაფთა კლუბის" თანადაფინანსებით განხორციელდა.
კომპოზიციების ინიციატივა ქუჩის ხელოვნების პოპულარიზაციას, ფასადებისთვის საინტერესო იერსახის მიცემას და ტურისტებისთვის მიმზიდველი ახალი ადგილების შექმნას ემსახურება.
ცნობისთვის, „სტრიტ არტების“ ავტორი „Tbilisi MURAL Fest"-ია.
