გორში, შინდისის გმირების გზატკეცილზე დასასვენებელი სივრცის მოწყობის სამუშაოები  დაიწყო.

ადგილობრივი თვითმმართველობის ინფორმაციით, ინფრასტრუქტურული პროექტის ფარგლებში 6 790 კვადრატულ მეტრზე განთავსდება საბავშვო და მაგიდის ჩოგბურთის სათამაშო სივრცეები, მოეწყობა ცალფარიანი კალათბურთის მინიმოედნები, დამონტაჟდება ტრენაჟორები და გარეგანათება. ლოკაციაზე ასევე გაკეთდება  სარწყავი სისტემა, დეკორატიული ღობე, გაზონი, სკამები, ურნები, წყლის სოკოები და ფანჩატურები.

სარეკრეაციო სივრცეში, რომელიც შინდისის გმირების გზატკეცილს მთელ სიგრძეზე მიუყვება, დაირგვება სხვადასხვა ჯიშის ხეები და ბუჩქები.

სამუშაოების სავარაუდო ღირებულება 1 196 000 ლარია.