საზოგადოება
11.04.2024 15:36
მუმლაანთკართან მისასვლელი გზის რეაბილიტაცია დასრულების ეტაპზეა
გორის მუნიციპალიტეტის სოფელ მუმლაანთკარში შიდა საუბნო გზის კეთილმოწყობის სამუშაოები აქტიურ რეჟიმში ხორციელდება.
ადგილობრივი თვითმმართველობის ინფორმაციით, აღნიშნულ ლოკაციაზე რეაბილიტაცია ჩაუტარდა გზის 850 მეტრიან მონაკვეთს. უსაფრთხოების მიზნით, გარკვეულ ნაწილზე მოეწყო რკინა-ბეტონის საყრდენი კედელიც.
„მუმლაანთკარში გზის რეაბილიტაცია ადგილობრივ მოსახლეობასთან კომუნიკაციის შედეგად დაიგეგმა. ინფრასტრუქტურული პროექტი, ასევე, ითვალისწინებს ტრანსპორტის სავალი ნაწილის, სანიაღვრე სისტემის, მიერთებების და ეზოებში შესასვლელების მოწყობას“, აცხადებენ გორის მერიაში.
