საზოგადოება
11.04.2024 12:16
ქართული ენის დღისადმი მიძღვნილი კონკურსის ფინალი დღეს გაიმართება
გორის კულტურის განვითარების ხელშეწყობის სააგენტოს ორგანიზებით, ქართული ენის დღისადმი მიძღვნილი კონკურსის ფინალი დღეს გაიმართება.
სააგენტოს ახალგაზრდობისა და კულტურის განვითარების განყოფილების ხელშეწყობით, კონკურსის შესარჩევი ტური ორი დღე მიმდინარეობდა და მასში 130-ზე მეტმა მოსწავლემ მიიღო მონაწილეობა.
„ქართული ენის დღისადმი მიძღვნილი კონკურსი გორში ყოველწლიურად ტარდება და მიზნად ისახავს ახალგაზრდებში სწორი მეტყველების ჩამოყალიბებას, მხატვრული კითხვის კულტურის ამაღლებას და ლიტერატურის სიყვარულის გაღრმავებას“, - აცხადებენ ორგანიზატორები.
ქართული ენის დღისადმი მიძღვნილი კონკურსის ფინალი კომბინატის დასახლების ტერიტორიაზე მდებარე კულტურის ცენტრის დარბაზში (მშვიდობის №12) 15:00 საათზე გაიმართება. დასწრება თავისუფალია.
