გორში არსებულ სკვერებში დაზიანებული ინვენტარის განახლება მიმდინარეობს.

როგორც კეთილმოწყობის სააგენტოში აცხადებენ, დასასვენებელ სივრცეებში დაზიანებული ინვენტარის განახლებასთან ერთად, მიმდინარე სეზონზე სხვადასხვა სამუშაო აქვთ დაგეგმილი, მათ შორის სკვერების და გამწვანებული სივრცეების მოწესრიგება.  

„დასასვენებელ სივრცეებში მაქსიმალურად განახლდება დაზიანებული ინვენტარი. საგაზაფხულო სამუშაოების ფარგლებში კი მიმდინარეობს სკვერების და გამწვანებული სივრცეების მოწესრიგება, დაირგო სხვადასხვა  სახეობის ხე-მცენარე, მათ შორის: ნეკერჩხლის, ლუგუსტრუმის, ტუიას, კვიპაროსის, წყავის, იფნის, ტუხტის, ემონიუსის და ლავანდას ნერგები“, - აცხადებენ სააგენტოში.