სპორტი
08.04.2024 12:07
კადეტთა შორის გამართულ ევროპის თასზე გორელებმა ოქროს და ბრინჯაოს მედლები მოიპოვეს
გორელი ძიუდოისტი ნოდარ კობალაძე (+90 კგ.) კადეტთა შორის გამართული ევროპის თასის გამარჯვებულია.
სპორტსმენმა რუმინელი, პოლონელი, ავსტრიელი, უკრაინელი მოწინააღმდეგეები დაამარცხა და ოქროს მედალს დაესაკუთრა.
ტურნირზე კიდევ ერთი გორელი ძიუდოისტი ლუკა დათაშვილი (60 კგ.) ასპარეზობდა. დათაშვილმა შვიდი შეხვედრა ჩაატარა. ჩეხი, გერმანელი, დანიელი, სლოვაკი და უკრაინელი მოწინააღმდეგეები დაამარცხა. ბრინჯაოს მედლისთვის ბრძოლაში კი ქართველ სანდრო შარიფაშვილს სძლია.
ორივე სპორტსმენი გურამ პაპიტაშვილის სახელობის გორის ჭიდაობის კომპლექსური სპორტული სკოლის წარმომადგენელია.
ცნობისთვის, ევროპის თასი ჩეხეთის ქალაქ ტეპლიცეში ჩატარდა.
